Pinahimutikan kan Department of Agriculture (DA) an mga report na may mga paraoomang nagpapagadan huli sa hibabang presyo kan paroy.
Segun sa DA, makalihis makipag-koordinar sa National Bureau of Investigation (NBI), napatunayang warang katotohanan an mga naunambitang report.
Sa ibong kaini, padagos an pag-agrangay kan mga paraooma sa Bicol asin region 12 huli sa padagos na pagbaba kan presyo nin paroy, na uminabot na sana sa P14 hasta P16.50 kada kilo.
Huli digdi, nangapodan si dating senador Kiko Pangilinan sa gobierno na aksyunan an pagbagsak kan presyo nin paroy asin aramon kun may kinaaraman an pagdagsa kan imported na bagas asin smuggling sa sitwasyong ini.
Pigtawan doon ni Pangilinan an importansya kan pagtabang sa mga paraooma nganing matustusan an saindang pangangaipuhan asin malikayan an mas malalang epekto sa sektor kan agrikultura.
 has denied reports that some farmers are committing suicide due to low rice prices.){kind=link}