Ipighayag kan Department of Agriculture (DA) na dae muna ma-angkat an nacion nin imported na asukal hasta sa katahawan kan 2026.
Obheto kaini na maging stabilize an presyo kan lokal na asukar.
Nagkasundo kaya sinda Agriculture Secretary Francisco Tiu-Laurel Jr. asin Sugar Regulatory Administration (SRA) Administrator Paul Azcona na hasta Mayo o Hunyo sa masunod na taon, dae sinda ma-angkat nin mga imported na asukar.
Ini makalihis an hibabang presyo kan raw sugar na nairehistro sa enot na sugar bidding.
Nagka-uyon man an duwang opisyal na imantenir an pagkakaigwa nin dugwang bulan na buffer stocks kan refined sugar.
Gabos na sugar imports an istriktong magiging reserba asin dae tutugutan na makalaog sa lokal na merkado.
