LEGAZPI CITY – Nagpaabot nin pakikidamay asin pagmundo an pamayuhan kan Department of Environment and Natural Resources sa pamilya kan nagadan sa aksidente sa Purok 1, Brgy. Villahermosa sa banwaan kan Daraga.
Segun ki DENR spokeperson Ariel Callon, magin sinda an namumundo sa nasambitan na pangyayari alagad dae man suboot pwedesir na ibasol an aksidente sa sarong kahoy na nasa gilid man sana kan tinampo asin dae man naghihiro.
Pigduon kaini na warang may kagustuhan sa nangyari asin kinakaipuhan nsuboot na maglikay an gabos na mga driver.
Pigbuyagyag man ni Callon na an DENR an naga comply sana sa gabos na mga dokumento na pighahagad kan DPWH kun an mga ini an igwang road widening project asin igwang naanalisar na kinakaipuhan na putulon na kahoy.
An mga programa suboot kan DPWH an para man sana sa ikakarahay kan gabos na mga namamanwa.
Pigsiyerto man kaini na madali man sana an pagpirma kan permit ngani na magputol nin kahoy basta kumpleto an saindang mga papeles.
Dae man suboot pwedesir na dae magsunod an saindang ahensya sa polisiya na pigpapaotob huli ta an lambang puon nin kahoy na pigpuputol an kinakaipuhan na salidahan nin 100 na seedlings.
Mientrastanto, segun sa opisyal, pwede man na i-trim an mga nakakaulang na kahoy basta warang pagkontra an LGU.
