LEGAZPI CITY-Nilinaw ni Dennis Trillo sa media an saiyang paninidugan mapadapit sa nagin orolay sa pag”ultanan ninda ni Patrick Garcia, asin sa saiyang pamilya, orog na sa agom niyang si Jennylyn Mercado.
Sa saiyang acceptance speech makalihis maresibe an duwang tropeo sa Golden Screen Awards, enot na nagbiro an aktor mapadapit sa saiyang nag-viral na “bag post,” asin kalaunan nilinaw sa sidelines kan event an saiyang paninidugan mapadapit sa nasabing isyu.
Sinabi niya sa speech an pagigin proud niya sa saiyang agom na si Jennylyn.
Dugang pa niya na an aktres an number 1 supporter, kaagapay sa buhay asin sa gabos na ganap niya.
Tinawan doon man niya na mapadapit sa isyu, sinabi niyang ipagtatanggol niya bilang padre de pamilya an anuman na manungod sa saiyang pamilya.
Gigibohon niya suboot an gabos ngani maprotehiran ini sa gabos na bagay.
Mientras tanto, isinagibo an awarding ceremony kan Sabado nin banggi.
