Pigtawan doon kan mga abogado kan mga biktima kan extra judicial killings na dapat nang punduhon an mga “delaying tactics” na piggigibo kan kampo ni dating Presidente Rodrigo Duterte nganing hadlangan an pag-usad kan kaso.
Ini an makalihis na pagtibayon kan International Criminal Court (ICC) an hurisdiksyon kaini sa imbestigasyon laban kay Duterte katakod kan mga suboot pagbayolar sa direchos humano sa irarom kan kampanya kontra droga.
Ipigdoon ni Atty. Neri Colmenares na supisyente na an ebidensyang naipon kan ICC nganing ipagpadagos an imbestigasyon.
Nanindugan man an dating presidente na wara siyang paninimbagan asin inapod na pagbayolar sa soberanya kan Pilipinas an lakdang kan ICC.
Alagad sa ibong kan pagkalas kan nacion sa Rome Statute kan 2019, pigmantenir kan ICC an hurisdiksyon sa mga krimeng nangyari mantang miyembro pa an Pilipinas.
Naglalaom an mga biktima na mabunga ini nin hustisya para sa rinibong nagadan sa war on drugs.
