LEGAZPI CITY – Pigbuyagyag kan sarong political analyst na sadit pa an tsansa na magkaigwa nin deklarasyon kan ley martial asin imposible pa ining mangyari sa presenteng estado kan nasyon.
Segun ki Prof. Alex de Guzman mahihiling na ngunyan an resemblance kan martial law huli ta padiit diit ng nagkakaigwa nin indikasyon kan suppression kan freedom of speech huli ta bako na madaling makakua nin impormasyon an mga taga media siring kan mga spot reports.
Alagad bako pa suboot ini bastanteng rason ngani na magdeklarar nin batas militar sa Pilipinas urog pang wara man na nangyayaring rebelyon sa Luzon asin Visayas.
Mientrastanto, pig-eksplikar man ni de Guzman na an mga pigigibong rally kan mga makakaliwang grupo an parte sana kan saindang mga aktibidad bilang pagkontra sa gobyerno urog pang garing naputol na an ties kaini makalihis na mahali an mga makakaliwang gabinete.
Dugang pa kaini na pigpapamate sana kan mga ini an saindang pwersa bilang pagpapailing na kaya pa kan mga ini na magdara nin damage sa gobyerno alagad nagtutubod si de Guzman na dae pa ini pwedesir na gamiton na rason ngani na magdeklarar nin ley martial.
