Nanindugan si Defense Secretary Gilberto Teodoro Jr. na dae man naghahanda an Pilipinas para sa posibleng gera kontra sa China.
Sa ibong ini kan wala toong military exercises na pigsasagibo kan Armed Forces of the Philippines asin an mga alyansa na pigbibilog kaiba an ibang mga nasyun.
Segun kay Teodoro, parte sana ini kan “Re-Horizon 3” program kan gobyerno na obhetong mapakusog asin gibohong mas moderno an militar kan Pilipinas.
Ini an nahihiling na paagi kan gobyerno ngani na magkaigwa nin “war deterrent” o ngani na magduwa-duwang isip an kalaban na gerahon an nasyun.
Tinawang duon pa ni Teodoro na sa ibong kan tensyon asin mga panghaharass kan China bukas man giraray an Pilipinas na magkaigwa nin maray na relasyon digdi.
Dae pa naghahaloy kan matapos an Balikatan exercise kan Pilipinas asin Estados Unidos, alagad ngunyan nasa Australia naman an Philippine Air Force para sa Pitch Black Military Exercise.
