Nagkondusir nin suway na bilateral meetings si Defense Secretary Gilberto Teodoro Jr. kaibanan an defense officials kan Japan, Ukraine asin The Netherlands sa sidelines kan Shangri-La Dialogue.
Marurumduman na nag-atendir si Teodoro sa 22nd International Institute for Strategic Studies Shangri-La Dialogue sa Singapore ngani na matukaw an dapit sa mga isyung pang seguridad asin defense ties kaibanan an ibang mga nacion.
Mawot ni Japanese Defense Minister Gen Nakatani nin mas hirarom na kooperasyon sa joint drills sa paagi kan Philippines-Japan Reciprocal Access Agreement.
Nagka sundo man an duwang nacion sa importansya kan pagpapalawig kan kooperasyon asin defense equipment production.
Mientras tanto, pinaglalaoman man na magkakaigwa nin Ukrainian defense attaché sa Pilipinas ngani mapag-adalan kan nacion an technological development hali sa Ukraine.
An Ukraine man an mag-aadal nin maritime disaster response asin post-trauma recovery hali sa Pilpinas.
Sa ibong na lado, nagpahayag man nin interes si Teodoro na makanuod kan best practices sa Netherlands pag-abot sa defense governance.
