LEGAZPI CITY-Nagsakat na sa 2,645 an numero kan mga nagadan huli sa duwang magkasunod na linog na tuminama sa Venezuela kan Hunyo 24, segun sa pinakahuring opisyal na datos kan gobierno sa nacion.
Labing 12,600 katawo an nairido, mantang rinibong iba pa an nawawara pagkatapos na marumpag an dosenang mga edipisyo, partikularmente sa probinsya sa baybayon kan La Guaira, sa northern Caracas.
Saro ini sa pinakamatinding kalamidad na naeksperyensiyahan kan Venezuela sa laog nin mga dekada, kun sain gobierno nagdeklara nin state of emergency asin naglansar nin mahiwasang search and rescue operations.
Nagkapirang nacion asin internasyonal na humanitarian organization an nagpadara man nin mga rescue team asin tabang sa mga apektadong komunidad.
Padagos pa man giraray an paghanap sa mga nawawarang indibidwal, huli ta mas dakul na pamilya an nawawaran nin harong sa lakop na danyos sa mga edipisyo asin iba pang mga imprastraktura.
Sinabi kan mga awtoridad na pwedisir pang maglangkaw an numero kan mga nagadan mantang nagpapadagos an mga clearing asin retrieval operations.
