Naglangkaw pa an numero kan mga nagadan huli sa Bagyong Crising asin sa hanging habagat sa nasyon.
Susog sa datus kan National Disaster Risk Reduction and Management Council (NDRRMC) ngonian na aga, Lunes, Hulyo 21, nagsakat na sa lima an nairehistrong nagadan sa nasambitang kalamidad hale sa apat na nairehistro kan nakaaging pirang aldaw.
Sinabi man kan ahensya na naglangkaw man an numero kan mga nairido sa lima mantang pito an naireport na nawawara.
Na-verify na kan ahensya an duwang fatalities asin saro an irido mantang nagpapadagos pa an validation kan mga natatadang casualties.
Mientrastanto, maabot na sa 800,864 na indibidwal an apektado na hale sa labi sa 1,000 na barangay.
Nasa kabilugang 5,921 na pamilya an presenteng nagtetenir sa mga evacuation centers makalihis na i-ebakwar mantang 16,671 pamilya an nasa luwas kan mga evacuation centers.
Sa presente, maski naghale na ini sa nasyon kan nakaaging Sabado, pigbabantayan pa man liwat an Severe Tropical Storm Wipha o dating bagyong Crising siring man an low pressure area (LPA) na sakop kan Philippine Area of Responsibility (PAR) maski hababa an posibilidad na magdevelop ini sa sarong bagyo sa masunod na 24 oras.
 this morning, Monday, July 21, the number of deaths registered in the said disaster has risen to five from four registered in the past few days.){kind=link}