Nagsakat na sa 11 an numero kan mga nagadan sa pagkagaba kan highway bridge sa Zhashui county, Shaanxi province kan China.
Bandang alas 8:40 nin banggi kan biglang magaba an sarong porsyon kan tulay.
Buminagsak an nasa 20 mga behikulo kasabay an mga lunad kaini.
Sa ngunyan nasa lima na sa mga nahulog na sakayan an narekober kan mga otoridad, alagad 20 behikulo pa an nawawara kaiba an lunad na nasa 30 katawo.
Pinag-aaram pa man kan mga otoridad sa China kung ano an posibleng pinagpunan kan insidente.
Sa mga nakalihis na taon, komon na an mga nairereport na pagkagaba nin imprastraktura sa nasyun huli sa maluyang kalidad asin tinipid na mga proyekto.
