Nagsakat na sa 28 an numero kan mga nagadan sa maribok na protesta sa nasyun nin Bangladesh.
Kasuodma kan magadan an 22 na katawo kan suloon kan mga dagit na ralihista an sarong istasyon nin telebisyon.
Naenot naman na binawian nin buhay an anom na katawo sa mga protesta magpuon pa kan nakalihis na semana.
Ipigpoprotesta kan mga ralihista, an polisiya sa Bangladesh na nagsasabing dapat na 30% kan mga empleyado sa gobyerno an kaparientes kan suldadong nakilaban sa war of independence kan taong 1971.
Dae ini nauyonan kan mga estudyante na mawot na gibohon na sanang merit system an pagtatao nin trabaho.
Sa ngunyan, nakashutdown pa an istasyon nin telebisyon, wara nin suplay nin kuryente asin dae ma-access an mga social media sites sa nasyun.
Nangapudan naman si Prime Minister Sheikh Hasina sa publiko na maging kalmado asin pundohon na an pagsasagibo nin maribok na hiro protesta.
