Puminakol na sa walong indibidwal an nagadan sa Manay asin Davao Oriental kawsa kan pagtama kan duwang magkasunod na linog sa rehiyon.
Segun sa National Disaster Risk Reduction and Management Council (NDRRMC), gabos na mga nairehistrong nagadan na kawsa kan linog an padagos na nagsasa-irarom sa beripikasyon asin validation.
Hale man sa nasambitang numero an tulo an kumpirmadong nagadan makalihis na matrap sa pagrasay nin daga asin matamaan kan darakulang tipak kan gapo sa laog kan sarong mining site sa Pantukan, Davao de Oro.
Mientrastanto, tulos man na narekober an mga hawak kan tulong minero sa ikinasang retrieval operations kan mga otoridad mantang na-rescue man an iba pang mga kaibahan kan tulo sa nagaba na mining site.
