LEGAZPI CITY-Nagabot na sa 60 katawo an nagadan sa Cebu huli sa pagtama kan linog kasuudma Setyembre 30, basado sa datos kan
National Disaster Risk Reduction and Management Council (NDRRMC).
Susog sa ahensya nasa 147 indibidwal man an nairehistrong irido huli sa insidente.
Segun kay Office of the Civil Defense (OCD) deputy spokesperson Diego Mariano, padagos an saindang pigsasagibong
assessment sa sitwasyon sa mga lugar na tinamaan kan linog.
Nakaresibe man an ahensya nin mga impormasyon hale sa manlain-lain na sources mapadapit sa mga nagadan alagad kaipuhan pa suboot ining iberipika.
Magigirumdumang tuminama an magnitude 6.9 na linog kun sain an epicenter kaini an nasa nasa 17 kilometers sa hilagang-silangan kan Bogo City.
