LEGAZPI CITY-Ipiganunsyo ni Office of Civil Defense (OCD) Spokesperson Junie Castillo na tulo na an death toll sa Bicol Region kun sain an duwa sigsi an hale sa Masbate mantang an saro man an nairehistro na hale sa Monreal.
Basado ini sa datos na ipinaluwas hale sa Municipal Disaster Risk Reduction Management Office kan Masbate asin kan Office of the Civil Defense Region V.
Mientrastanto, nasa tulong banwaan man an nairehistrong nakaresibe nin fatality kairiba na an Masbate asin nagkapirang lugar sa Camarines Norte.
Nagsagibo naman nin asistensiya asin nagkondusir nin clearing opeartion sa mga tinampo na labing apektado asin bako passable.
Nairehistro man kan ahensya an anom na indibidwal na nawawara hasta ngonian sa Eastern Visayas huli sa pananalasa kan Bagyong Opong.
