LEGAZPI CITY-Nagabot na sa 38 na indibidwal an gadan huli sa mga nakaaging pananalasa kan mga bagyo asin habagat basado sa datos kan National Disaster Risk Reduction Management Council (NDDRMC).
Segun sa ahensiya, 3 hale sa mga numero an kumpirmado na gadan asin ang nagkapira ipigsasairarom pa sa beripikasyon.
Nagabot na man sa 33 an mga iridong indibidwal kung sain 24 na an mga validated mantang under verfication pa na nagkapira.
Basado man sa datos kaan NDRRMC, 8 katawo pa an nairehistrong nawawara asin pighahanap pa kan mga otoridad.
Mientrastanto, nagrapado na sa labi 8.5 milyong indibidwal o katumbas kan 2.3 milyong pamilya na an kabilugang numero kan mga lubhang apektado kan mga nakaaging kalamidad sa Pilipinas.
Nasa 24,771 na mga pamilya o 91,006 na indibidwal an nagtetenir pa sa 839 na mga evacuation centers sa bilog na nacion mantang nasa 32, 320 na pamilya na man o 123,624 na indibidwal an nasa luwas kan mga evacuation centers, na padagos na pighahatudan nin pangenot na tabang kan mga otoridad.
