LEGAZPI CITY- Nabukag ngunyan an lado pulitika sigon sa sarong political analyst.
Katakod ini kan mainit asin kontrobersyal na pagbusol kan administrasyong Duterte sa padusang kagadanan.
Kan Miyerkules, nakalusot an propuestong ini sa second reading kan Kamara de Representantes maski pa nakasabay sa pag-obserbar kan Ash Wednesday o an pagpuon kan Cuaresma.
Para ki Professor Alex Guzman, haloy nang tapos an orolay dapit digdi alagad bako pa siertong maipapasar huli ta kaipuhan muna ining aprubaran kan Senado.
Sinabi pa kan propesor na madugo an labanan para sa mga pro asin anti solons huli ta magkakaiba-iba an pagtubod kan mga senador dapit sa death penalty bill.
Sa Senado na man sana suboot naglalaom an mga pro-life advocates kun sain digdi pwedesir na mabaliktad an desisyon huli ta dapat na parehong aprubado kaini asin kan Kamara de Representantes an propuesto antes na liwat na maisabatas.
