Pwedesir magin basehan para sa panibagong impeachment complaint laban kay Vice President Sara Duterte an bagong mga reklamong isinunad laban saiya asin 15 iba pa sa Ombudsman, segun ki Mamamayang Liberal (ML) Party List Representative Leila De Lima asin sarong grupo.
An mga reklamong isinunad sa Ombudsman an plunder, graft, bribery, asin malversation huli sa suboot “sistematikong salang pagmanehar” kan P612.5 milyon na confidential funds.
Kun sain kabale sa sinunadan ni reklamo sinda OVP chief-of-staff Zuleika Lopez asin dating DepEd undersecretary Michael Poa. Susog sa saro sa mga complainant, matibay ang ebidensyang kapot ninda na pwedesir mauli sa kaso sa Sandiganbayan o impeachment case.
Sinang-ayunan ni Rep. Leila de Lima ang pahayag kan complainant na mas makusog asin mas nakatuon sa ebidensya an mga bagong reklamo laban sa Bise Presidente. Segun ki De Lima, na pwedesir man magsirbing basehan para sa impeachment.
Mientrastanto, naenot nang pignigaran kan Bise Presidente an akusasyon asin inapod ining “fishing expedition” asin ipigdoon niyang may bastanteng ebidensya asin testimonya na masuporta saiya.
