Nangapodan si House Deputy Minority Leader Leila de Lima kay Pangulong Ferdinand Marcos Jr. na isapubliko an saiyang Statement of Assets, Liabilities, and Net Worth (SALN), asin enganyaron an saiyang gabinete na gibuhon man ini.
Segun ki De Lima, kun seryoso an administrasyon sa kampanya kontra korapsyon an dapat sa sadiri muna ini magpoon.
Pagdoon niya, all-out an laban kun warang pigtatago asin warang “sacred cows” o pigpoprotektaran.
Dagdag pa niya, an pagpapaluwas kan SALN an patunay kan katapatan asin paninindugan sa transparency, alinsunod sa ipigbubusol kan Presidente na Freedom of Information Act.
Sinabi man kan mambabatas na ini an tyansa kan Presidente na patunayan na siya an iba kay dating Presidente Rodrigo Duterte, na dae nuarin man isinapubliko an saiyang SALN.
Magigirumduman, inali na ni Ombudsman Jesus Crispin Remulla an mga restriksiyon sa pag-access kan SALN kan mga opisyal kan gobyerno, na sarong lakdang na magpapatibay sa transparency sa tahaw kan mga alegasyon kan korapsyon sa mga infrastructure project.
, and encourage his cabinet to do the same.){kind=link}