Suminakat sa P903 milyon an propwestong 2026 budget kan Office of the Vice President (OVP) makalihis aprubaran kan Department of Budget and Management (DBM) an dugang na pondo, segun ki bagong OVP spokesperson Ruth Castelo.
Segun ki Castelo, an orihinal na budget proposal kan OVP an P733 milyon, siring kan nakatagamang pondo ngunyan na taon. Ihinalangkaw ini kan DBM sa P803.6 milyon asin kalaunan nagin P903 milyon nganing masimbagan an pangangaipuhan sa kadugangang personnel services asin IT equipment para sa opisina.
Sienerto ni Castelo na warang confidential fund na kaiba sa 2026 budget proposal.
Dugang pa niya, kompletong team kan OVP an mahampang sa mga deliberasyon sa Kongreso nganing ipaliwanag an pondo.
Naenot nang sinabi ni Vice President Sara Duterte na piniling dae maghagad nin dakulang dugang sa budget nganing maibitaran an mga sitwasyon ikakasupog kan OVP sa mga hearing.
Magigiromdomang binawasan kan Kongreso an pondo kan OVP kan 2023 makalihis kwestyunon an P125 milyong confidential fund na suboot nagastos sa laog nin 11 aldaw, asin an P10 milyong ginamit para sa paglimbag kan librong ‘Isang Kaibigan’.
An isyu kan confidential fund an saro man sa mga basehan kan nakabinbing impeachment complaint laban kay VP Duterte sa Senado.
 has increased to ₱903 million after the Department of Budget and Management (DBM) approved the additional funds, according to new OVP spokesperson Ruth Castelo.){kind=link}