“More than confident” an Davao PNP na nasa laog kan Kingdom of Jesus Christ (KOJC) compound an puganteng si Apollo Quiboloy.
Ipighayag ni regional police Brig. General Nicolas Torre III an pagkakadiskobre kan sarong “underground area” kun saen pwedesir na nagtatago si Quiboloy.
Sa sarong press conference, hinapot si Torre dapit sa kinamomogtakan ni Quiboloy asin kun an raid an nag-udyok kay Quiboloy na maghali sa compound.
Alagad pigsabi ni Torre na “more than confident na sinda ngunian,” na nasa laog kan compound an puganteng si Quiboloy.
Dugang pa kaini, pighahanap pa man ninda an laogan kan sarong “underground area” makalihis ining hapoton sa mga reports na an mga pulis an “naghuhukay” sa laog kan compound.
Paliwanag ni Torre, dae ninda pigbungkal kundi pighahanap lang ninda an entrance kaini.
