LEGAZPI CITY- Tahasang pinahimutikan ni dating Gabriela Partylist Representative Arlene Brosas an mga akusasyon na nagresibe siya nin maleta nin kwarta.
Ini makalihis na pangaranan an dating kongresista kan nagpabistong 18 dating marines, sa pagdangog kan Cayetano bloc.
Segun ki Brosas sa intrevista kan Bombo Radyo Legazpi na anas kautikan asin warang konteksto an mga alegasyon kontra saiya.
Inapod pa kaining political demolition job an nasabing mga akusasyon.
Dagdag pa kaini na mawot sana na matakluban an isyu sa impeachment trial ni Vice President Sara Duterte kaya ipiglilihis an atensyon kan publiko sa paagi kan suboot ‘bogus hearing.’
Sinabi ni Brosas na makangalas na an mga pinangaranan na nagresibe suboot nin kwarta, iyo an mga naninindugan para sa pagpapanimbag sa bise presidente.
