Nadakop sa ikinasang buy-bust operation kan mga otoridad an sarong dating preso kahapon sa Bubong Road, MB Tamontaka, Cotabato City.
Bako reunion sa pamilya an nangyari kundi comeback sa kulungan
Binisto an suspek na si Eric Palog, mas bisto sa alyas na “Buagas,” residente kan MB Tamontaka.
Sa operasyon, nasabat hale saiya an sarong pakete kan pigtutubudang shabu na may gabat na 0.1 gramo asin pigkakarkulong ₱500 an kantidad.
Segun sa pulisya, bako ini an enot na sabak ni Buagas sa kariribukan.
Naenot na siyang nakulong sa kaparehong kaso kan Abril 2023 asin nakalaya pa sana kan Nobyembre 2024.
Nahahampang liwat an suspetsado sa kasong pagbayolar sa Republic Act 9165 o an Comprehensive Dangerous Drugs Act of 2002.
