Kinumpirmar ni dating Presidente Rodrigo Duterte na madalagan siya bilang alkalde kan Davao City.
Liwat man kaining nilinaw na wara siyang planong kumandidato sa pagkasenador sa 2025 midterm elections huli ta dae na suboot kaya kan saiyang lawas an matinding kampanya.
Marurumduman na enot ng sinabi ni Senador Robinhood Padilla na hasta sa ngunyan, padagos nindang pig-eenganyar si dating Presidente Duterte asin an saro sa mga aki kaini na magdalagan bilang senador sa 2025 midterm elections.
Importante suboot na magdesisyon an mag-aamang Duterte hasta sa huring aldaw kan pagsusunad kan kandidatura sa pagkasenador sa Oktubre 8.
Kumpiyansa man an senador na sa ibong kan edad kan dating presidente, mangingibabaw man liwat an wisdom kaini.
