Kinumpirmar ni Vice President Sara Duterte na nagboluntaryo na magin abogado niya an ama na si dating Presidente Rodrigo Duterte.
Ini an katakod kan mga kasong pigkakahampang niya kasabay na an impeachment case.
Marurumduman na nahahampang sa tulong impeachment complaints an bise presidente na isinunad kan nagkapirang Katolikang padi, religious groups asin mga abogado.
Mientrastanto, nagtutubod man si Vice President Sara na wara siyang pigbayolar na ley.
