Nanindugan si dating presidente Rodrigo Duterte na wara siyang dapat na ihagad nin dispensa sa kampanya kontra iligal na droga kan saiyang administrasyon.
Alagad sinabi kan dating presidente na aakuon niya an bilog na legal na responsibilidad para sa nasabing isyu, sa paghampang kaini sa Senate blue ribbon subcommittee.
Paliwanag kaini na dae dapat na manimbag an mga pulis na nagsunod sana sa kasuguan niya.
Sinabi ni Duterte na ipiglansar niya an madugong kampanya kontra iligal na droga ngani na maprotehiran an mga Pilipino, asin ginibo sana niya an saiyang responsibilidad.
Nilinaw man kan dating presidente na an drug war an bako dapit sa panggagadan nin tawo kundi pag protehir sa inosenteng namamanwaan asin paglaban sa iligal na mga bulong siring kan shabu, cocaine, heroin, marijuana, party drugs, asin iba pa.
Nahiling suboot niya an mga drug addict bilang mga biktima asin pasyente na nangangaipo nin medikal na tabang asin bako bilang kriminal.
