Planong ipaapod sa pagdangog kan Kamara si dating Presidente Rodrigo Duterte, Senador Ronald Bato Dela Rosa asin dating Presidential Spokesperson Harry Roque.
Katakod ini kan imbestigasyon kan Kamara sa war on drugs kan nakalihis na administrasyon, reklamo nin extra judicial killings asin iligal na operasyon kan Philippine Offshore Gaming Operators sa Pilipinas.
Segun kay Joseph Stephen Paduano an Chairperson kan Committee on Public Accounts, pagsasararoon na sana an pagdangog kan apat na komite kan Kamara ngani na mapadali an pagdangog an pagsasagibo kan imbestigasyon.
Aminado si Paduano na nadidipisilan sinda sa pagdangog huli sa kawaran nin matanos na resource person kung kaya kinaipohan na ipaapod na an dating Presidente.
Nakahanda naman suboot an Kamara na maghapot kay Duterte ngani na malinawan sa mga isyu lalo na sa Philippine Offshore Gaming Operators na nakalaog sa Pilipinas huli sa Executive Order number 13 na ipinaluwas kan dating Presidente.
Sa ngunyan dae pa man nin kumpirmasyon sa lado ninda Duterte, dela Rosa asin Roque kung maatindir sa nasabing pagdangog.
