Nakatalaang tumestigo si dating Philippine National Police (PNP) Chief Nicolas Torre III laban kay Kingdom of Jesus Christ founder Apollo Quiboloy.
Sa sarong intrevista, sinabi ni Torre, nakatalaan sa masunod na semana an saiyang enot na appearance alagad dae pa sigurado kun makaka-atendir siya huli ta nagtetenir siyang naka-leave mantang igwa man suboot na conflict sa saiyang schedule sa nasambitang aldaw.
Si Torre an nangenot sa paghanap asin dagos na pagdakop kay Quiboloy, makalihis an pirang aldaw na police operation sa compound kan KOJC sa Davao City.
Agusto-26 kan magin epektibo an leave kan dating PNP Chief asin madurar ini sagkod Oktobre-31.
Pagdoon kan heneral, nagtetenir an saiyang suporta sa mga proyekto kan gobierno, kabale na an Bagong Pilipinas program ni Pres. Marcos.
Sa ibong kan presenteng kariribokan suboot, dae dapat mawaran nin suporta an lambang saro sa Konstitusyon, asin pagsunod sa chain of command.
Mientrastanto, kan hinapot an heneral manungod sa mga plano kaini makalihis an saiyang leave, sinabi kaini na dae pa siya nakapagdesisyon kun ano an gigibuhon.
 Chief Nicolas Torre III is scheduled to testify against Kingdom of Jesus Christ founder Apollo Quiboloy.){kind=link}