Nagkapirang beses na sinabi kan dating Office of the Vice President (OVP) Special Disbursing Officer na si Gina Acosta sa pagpapadagos kan impeachment trial ni Vice President Sara Duterte, na dae na niya marumduman an nagkapirang detalye katakod kan confidential funds na itinagama sa Davao City, kan panahon na mayor pa sana an bise presidente.
Sa paghahapot ni House private prosecutor Atty. Amando Virgil Ligutan, inusisa si Acosta dapit sa confidential funds na itinagama sa Davao City kan mga nakalihis na taon.
Tinukoy an itinagamang kantidad kan 2019 asin 2020.
Alagad sinabi na Acosta na dae na niya ini marumduman asin bako suboot magkapareho an kantidad na saiyang nakuwa.
Liwat siyang hinapot dapit sa confidential funds kan 2021, alagad sinabi man ni Acosta na dae niya marumduman an detalye.
Ipinaliwanag kaini na may edad na siya asin nadidifisilan na rumdumon an eksaktong impormasyon.
Kan uminabot man sa paghahapot sa confidential funds kan 2022, liwat man na sinabi ni Acosta na dae niya ini marumduman.
