LEGAZPI CITY—Boluntad na nagsurender sa mga mga otoridad an sarong dating miyembro kan Communist Terrorist Group (CTG) sa banwaan kan Barcelona, Sorsogon.
Binisto an nagsurender na si alyas “Jhun/Bunso”, 54-anyos, may agom, sarong karpintero, asin residente kan Barangay Togawe, Gubat, Sorsogon.
Kabale sa saiyang mga isinurender an sarong kalibre .38 Revolver na warang nahihiling na tatak asin serial number, na may laog na duwang bala.
Matrayumpong naikundusir an pagsurender kan nasabing indibidwal sa pinagsarong operatiba kan Barcelona Municipal Police Station, 92nd Special Action Company, 9th Special Action Battalion asin Philippine National Police – Special Action Force.
