LEGAZPI CITY — Dae na naisalbar pa an buhay kan sarong paraoma makalihis ining pagbabadilon kan tulong dae pa nabibistong mga suspetsado.
Nabisto an biktima na si Michael Ysolan na residente kan Sitio Batires, Barangay Sta. Cruz, banwaan kan Palanas, Masbate.
Nagluluwas sa inisyal na imbestigasyon kan Palanas Municipal Police na nagugudo ninmangga an biktima kan bigla ining ranihan kan mga suspek saka binadil na rason kan tulos na kagadanan kaini.
Tulos man na nagdulag an mgs suspetsado makalihis isagibo an krimen mientras na narekober sa pinangyarihan kan insidente an apat na pidaso nin caliber 45 fired cartridge cases.
Napag-araman man na si Ysolan an dating miyembro kan Communist Terrorist Group (CTG).
Sa presente, nagkokundusir na man nin hot pursuit operation asin follow up investigation an Palanas PNP para sa posibleng pagkaka arestar sa may mga tagibo kan krimen.
