LEGAZPI CITY – Ikinaugma kan dating mambabatas an pagbasura kan panel judges kan International Criminal Court (ICC) Appeals Chamber sa interim release o paramientras na libertad ni dating Presidente Rodrigo Duterte.
Segun ki Former ACT Teachers party-list Representative France Castro sa intrevista kan Bombo Radyo Legazpi na dakulang bagay an desisyon kan ICC nganing magpadagos na an pagguno nin hustisya sa pamilya kan rinibong biktima kan extrajudicial killing (EJK) na maserbi sa sainda bilang pamasko.
Sa hiling niya man na huli sa “unanimous” decision an malabog nang pagbigyan kan korte na mailuwas sa detention facility an dating presidente maski magkaigwa pa nin appeal an saiyang defense team.
Senyales na man suboot an desisyon nganing mabasahan na nin akusasyon sagkod sa pagtatao nin verdict laban sa dating presidente kabale an saiyang mga kaibanan kabale na si Senator Bato Dela Rosa.
Pighihiling man ni Castro na sarong “partial victory” an desisyon na pagbasura laban sa interim release asin kaipuhan an pagkakasararo kan pamilya kan mga biktima nganing makuwa an hustisya.
Alagad pwedesir man suboot na magserbi an desisyon na patanid sa mga co-perpetrator kan dating presidente asin dagos nang magtago nganing malikayan an pagkaka-arestar kan ICC.
 Appeals Chamber of the interim release of former President Rodrigo Duterte.){kind=link}