LEGAZPI CITY—Arestado an sarong indibidwal sa ginibong anti-drug operation kan mga otoridad sa banwaan kan Guinobatan, Albay.
Binisto an suspek na si alyas “Lar”, 42-anyos, sarong dating local government employee asin presenteng tricycle driver, na residente kan Barangay Ilawod kan nasabing banwaan.
Nakumpiskar saiya an sarong heat-sealed transparent plastic sachet na may laog nin pigtutubudang shabu na may gabat na pocomas o menos 25 gramos na may standard drug price na P170,000.
Naarestar ini sa pinagsarong operatiba kan Philippine Drug Enforcement Agency (PDEA) Regional Office 5 – Regional Special Enforcement Team 1, Regional Special Enforcement Team 2, PDEA RO5 Legal and Prosecution Unit, PDEA Albay Provincial Office, asin Guinobatan Municipal Police Station.
Mahahampang an suspek sa kasong pagbalgar sa Section 5, Article II kan Republic Act 9165 o Comprehensive Dangerous Drugs Act of 2002.
