LEGAZPI CITY – Pagtubod sa Kagurangnan asin kamawotan na makahale sa kapobrehan an naging inspirasyon kan sarong dating janitor tangarig na makatapos nin pag-aadal asin makua nin kursong law sa University of Manila.
Saro sa mga nakapasar sa bar exam an tubong Catanduanes na si Ramil Comendador na nagbiyahe pa sa Manila tangarig sana makipagsapalaran asin nagsirbeng janitor sa opisina kan Commission on Elections sa laog nin apat na taon.
Haros sumuko na suboot ini sa pag-exam huli sa dificil na pinag-agihan sa pag-aadal mientras na pigtataguyod an duwang aki kaya dae subot ini makapanubod na puminasar sa eksaminasyon sa enot na take sana.
Dawa pa magiging abogado na si Commendador, saro sa mga mawot kaining mamidbidan an ama na nag-abandona saiya kan nasa tulak pa kan ina.
Pangapodan kaini na magsirbeng inspirasyon sa ibang naga-ambisyon man na magin matrayumpo sa buhay.
