LEGAZPI CITY-Namaaram na si dating Speaker Jose “JDV” de Venecia Jr., sa edad na 89.
Si De Venecia o mas bisto sa apod na Manong Joe, bisto bilang tagapagtaguyod kan lehislatura, beteranong kongresista hale sa lalawigan kan Pangasinan.
Nagserbi siya bilang House Speaker kan ninth sagkod 14th Congress.
Nakapag-author siya nin labi sa 200 landmark na mga reporma sa ekonomiya asin sosyedad, kabale na an Bases Conversion Law, pagbabago sa dating military camp bilang thriving centers kaiba an Bonifacio Global City asin Clark.
Naipasar niya man an Build-Operate-Transfer Law asin Philippine Economic Zone Law.
Itinaguyod niya asin pinangatamanan an mga institusyon siring kan International Conference of Asian Political Parties, Asian Parliamentary Assembly, International Association of Parliamentarians for Peace, Asian Peace and Reconciliation Council, asin mga inisyatibo sa Interfaith Dialogue sa United Nations.
Ipinangaki siya sa Dagupan City, Pangasinan kan Disyembre 31, 1936, asin nakapagadal sa De La Salle University asin Ateneo de Manila University.
Afuera sa politika, nagserbi man siya bilang sarong columnist.
Nawalat niya an saiyang agom na si Rep. Gina de Venecia asin anom na mga aki.
