In-appoint kan parliament an dating football player kan Manchester City bilang bagong presidente kan Georgia, 17 aldaw makalihis na magkaigwa nin mga pro-European Union protests sa nacion.
An 53-anyos na si Mikheil Kavelashvili hai sa ruling party na Georgian Dream party an solamenteng kandidato para sa nasabing posisyon.
Nasa 224 sa 225 na miyembro kan electoral college kan Georgia an nagboto ki Kavelashvili ngani na magin masunod na lider kan nacion.
Napag-araman na nasa apat na opposition groups an nag boycott kan nasabing parliament.
Mientras tanto, kinondenar man ni outgoing pro-Western president Salome Zourabichvili an pagkaka elihir ni Kavelashvili asin sinabing siya an huri asin natatadang lehitimong nagkapot kan institusyon.
