LEGAZPI CITY-Idinawit ni dating Bulacan assistant district engineer Brice Hernandez si Senator Jinggoy Estrada kairiba na si Joel Villanueva, DPWH officials Usec. Roberto Bernando, asin si Former Bulacan First District Engineer Henry Alcantara sa mga anomlaya sa flood control project.
Ipighayag ni Hernandez an impormasyon sa nagpapadagos na hearing ngonian na aldaw, Setyembre 9, 2025.
Segun kay Hernandez, na nagpaluwas suboot si Estrada nin ₱355 million sa nagkapirang Bulacan projects sa taong 2025 na suboot igwang 30% “commitment” sa mga pondo.
Pignegaran man ni Senator Jinggoy Estrada an akusasyon ni Hernandez na imbuelto suboot an mga senador sa maanomalyang flood control projects sa nacion.
Sinabi ni Estrada an mga pahayag sa sarong post sa social media kun sain sinabi niya na; “I categorically and vehemently deny the claims made by Brice Hernandez. I challenge him. LET US TAKE A LIE DETECTOR TEST before the public para malaman ng lahat kung sino ang nagsasabi ng totoo. Talk is cheap — handa akong patunayan na pawang mga kasinungalingan ang sinasabi nya tungkol sa akin,” .
