LEGAZPI CITY- Dae pa makapanubod sa ngonian an saro sa mga dating anchorman kan Bombo Radyo Legazpi na passer kan 2017 Bar examinations na matrayumpo na sa ika-duwang bes na pag-take.
Napag-araman na enot nang nagkua kan nasabing eksaminasyon kan 2016 alagad dae sinuwerte kaya man ginibo ni Angelico Cabredo an bilog na makakaya sa liwat na pagkua kan eksaminasyon kan nakalihis na taon.
Sa eksklusibong intrevista kan Bombo Radyo Legazpi ki Cabredo, ie-enjoy muna an naabot na trayumpo kaibanan an pamilya na nagsisirbeng inspirasyon.
Dugang pang oras na makapanumpa bilang sarong ganap na abogado, magagamit na sa pagseserbi sa publiko an mga naadalan kan nagtatrabaho pa bilang saro sa linyada kan anchormen na naisapuso na kaibanan an paghahatod nin impormasyon sa mga tawo sa ibong kan anuman na pigkakahampang na sitwasyon.
Segun pa ki Cabredo na dae sasayangon an mga preparasyon sa bar exams sa pinansyal, emosyunal asin pisikal na aspeto siring man an paglaom sa Diyos.
Abiso pa kaini sa mga ma-take kan kaparehong eksaminasyon sa mga masunod na taon na dae paglingawan na mag-enjoy mantang nag-aadal tangarig na malampasan an gabos na kadifisilan.
