Pinagbabayad kan Bureau of Internal Revenue an dating alkalde kan Bamban, Tarlac na si Alice Guo nin P500 milyon huli sa reklamo nin tax evasion.
Segun sa ahensya, naprobaran na nagpalyar na makapagbayad nin Capital Gains asin Documentary Stamp Taxes si Guo kan ipabakal kaini an saiyang shares sa Baofu Land Development na may kagsadiri kan Philippine Offshore Gaming Operators hub sa Bamban.
Kasabay man sa reklamo an nagbakal kan shares na si Jack Uy asin an corporate secretary kan kompanya na si Rachelle Joan Malonzo Carreon.
Naenot naman na ipinagsugo kan Office of the Ombudsman an pagpapahali sa pwesto kay dating Mayor Guo huli sa conflict of interest asin grave misconduct.
Katakod ini kan pag-aproba kan alkalde sa Mayor’s permit kan POGO na kaiba sa saiyang mga negosyo.
Nasuspendi man nin tolong bulan si Vice Mayor Leonardo Anunciacion asin iba pang mga konsehal kung kaya si Erano Timbang na muna an magsisirbing alkalde kan banwaan.
Napag-araman kaya na solamenteng si Timbang an nagkontra sa aplikasyon kan Baofu Land Development.
