Mapalit bilang bagong Solicitor General si dating PAG-IBIG Fund CEO Darlene Marie Berberabe.
Papalitan ni Berberabe si SolGen Menardo Guevarra.
Si Berberabe an saro sa mga in-interview kan Judicial and Bar Council (JBC) para sa posisyon bilang Supreme Court associate justice.
Ini an sa tahaw kan nakatalaang pagreretiro ni Associate Justice Mario Lopez sa Hunyo 4.
Sa presente, nagsisirbi si Berberabe bilang dean kan UP College of Law.
Nakaresibi na man ini kan mga honra kun saen saro siya sa itinanghal sa 100 Most Influential Filipino Women kan 2014 asin iba pa.
Mientrastanto, ipighayag man ni Guevarra na maugma ini para kay Berberabe na iniladawan niya bilang sarong dekalibreng abogado.
Sinabi man ni Guevarra na mabalik siya sa saiyang silensyo asin matuninong na pribadong buhay pagkatapos kan saiyang paninirbihan bilang SolGen.
