LEGAZPI CITY- Padagos pang pinagbabantayan an kamugtakan kan sarong 16 anyos na daragita na nagtitinir ngunyan sa ospital makalihis na makuryente mantang nasa sarong evacuation center sa Barangay Muladbucad, Pequeño, Guinobatan sa probinsiya kan Albay.
Sa intrevista kan Bombo Radyo Legazpi kay Lola Nilla, makarigos sana suboot an dae na pinangaranan pang biktima sa banyo kan nasabing evacuation center kan makuryente suboot ini makalihis na magsindi kan ilaw.
Huli digdi, dismayado na kan maabutan an biktima kan mga nakahiling kung kaya tulos na idinalagan sa ospital.
Segun kay Lola Nilla, haloy na suboot nindang ipigreklamo an nasabing bombilya na may problema na sa wiring alagad dae man naaksyonan.
Sa ngunyan problema kan mga paryentes kan biktima kung sain makua nin panggastos sa pagpapa-ospital lalo pa ngunyan na nagpapadagos an pag-aalburuto kan Bulkang Mayon asin dae pa makabalik sa saindang mga hanapbuhay.
