LEGAZPI CITY-Pigkakarkulong nasa nagkakantidad nin P1.3 bilyon hasta P1.7 bilyon an danyos sa mga pananom kan mga paraoma huli kan mga nakaaging bagyo asin padagos na epekto kan Habagat.
Segun ki Bantay Bigas Spokesperson Cathy Estavillo, dakulang porsyon kan mga naraot na pananom iyo an mga food crops, kabale na an paroy, mais, asin gulay.
Sinabi niya na kadakol na mga omahan an nalubog sa baha, huli sa nagkapirang palpak na flood control projects.
Nangapudan si Estavillo sa gobierno na tawan nin magkakanigong bayad an mga paraoma na nawaran nin pananom nganing matabangan sinda na makabalik sa pag-oma asin makabangon.
Tinawan-duon man kan grupo na kulang an P5,000 na subsidiya asin iba pang relief assistance huli ta temporaryo sana ini asin dae na-aaddress an total na gastos kan saindang nalugi.
Nangapudan man an grupo sa gobyerno na mag-implementar nin panghaloyan na programa para sa sektor nin agrikultura, orog na sa mga lugar na matinding naapektaran apektado kan mga kalamidad.
