LEGAZPI CITY- Dakula an iwinalat na danyos sa sektor kan impratruktura asin agrikultura kan nakalihis na mga raot nin panahon sa rehiyong Bicol.
Segun ki Office of the Civil Defense Bicol Spokesperson Gremil Naz sa intrevista kan Bombo Radyo Legazpi na nasa 20 na mga lokal na gobierno sa rehiyon an nakapagrehistro nin mga pagbaha kan nakalihis na semana huli sa epekto kan southwest Monsoon.
Pag-abot man sa danyos sa sektor kan agrikultura, sinabi kan opisyal na an bagyong Enteng an nagwalat nin pinakadakulag danyos na labi sa P666 million.
An nasabing raot nin panahon man an nagwalat nin P366 million na danyos sa sektor kan imprastruktura.
Alagad sa presente padagos pa suboot an pinal na konsolidasyon kan epekto kan nasabing raot nin panahon.
Mientras tanto, segun ki Naz na naghahanda na man ngunyan an bilog na rehiyon sa posibleng mga bagyo na maka apektar sa rehiyon ngunyan na typhoon season.
