Nagsakat na sa P1.03 bilyon an kantidad kan danyos na winalat kan mga nakalihis na bagyo asin habagat sa sektor kan agrikultura sa nacion.
Labi sa kabanga kan kantidad an hale sa mga paroy na pinadapa kan mga kalamidad.
Haros 50 porsyentong paglangkaw ini hale sa P689.66 milyong kantidad kan danyos na pigkarkulo kan Department of Agriculture kan Agosto 13.
Huli kaini, labi 30,000 paraooma an apektado siring man an labi 25,000 ektarya kan agricultural land asin at 25,280 metrikong tonelada nin agricultural asin fishery products.
Sunod na labing nadestrosong commodity an mais.
Bilang resulta, nagsakat na sa 16,105 metric tons an nawara sa produksiyon sa agrikultura hale sa 23,206 ektarya nin omahan o tanuman.
Nagsapar man nin P9.26 milyong kantidad nin danyos an sektor kan pangisdaan mantang sa livestock umabot sa P6.91 million kabale an labi 6,000 hayop.
Nairehistro an mga danyos sa pitong rehiyon sa Cordillera Administrative Region, Ilocos Region, Cagayan Valley, Central Luzon, Calabarzon, Mimaropa asin Western Visayas.
