LEGAZPI CITY- Dakula an pasasalamat kan dance group na LMNOP na saro sinda sa naitanghal na first runner-up sa pinaka enot na Bombo Dance Showdown sa Magayon.
An nasabing grupo an gikan pa sa banwaan kan Camalig, Albay.
Segun sa miyembro kaini na si Aby Jane Mangampo sa intrevista kan Bombo Radyo Legazpi na maugma sinda na magin parte kan nasabing aktibidad asin nakapag uli pa nin mga pa-premyo.
Kaibanan sa nai-uli kan grupo an P5,000 cash, trophy asin iba pang mga pa-premyo.
Pag-istorya ni Mangampo na dakol na mga sakripisyo an saindang pinag-agihan ngani na makapagpahiling nin magayon na performance sa publiko.
Mientras tanto, inenganyar man kaini an iba pang mga jovenes na dae magpundo sa pag-abot kan mga pangaturugan asin ipagpadagos an paghahatod nin inspirasyon.
Dugang pa kaini na bukas sinda na liwat na magpartisipar sa masunod pang mga dance showdown kan Bombo Radyo Legazpi.
