LEGAZPI CITY-Nagpapadagos an pigsasagibong damage assessment kan mga otoridad sa ciudad kan Tabaco makalihis an nangyaring pag-linog sa lugar.
Susog kay Tabaco City Disaster Risk Reduction and Management Office Head Gel Molato, na padagos an saindang inspeksyon asin prayoridad ngonian an mga eskwelahan huli ta piggagamit ini kan mga estudyante.
Nairehistro man an dakulang danyos sa limang eskwelahan sa Isla asin ngonian dai muna piggagamit.
Nai-report man an mga minor damages sa terminal, evacuation center, agricultural office, multi purpose hall, asin nagkapira pang mga eskwelahan.
Sa hiwalay na pahayag, sinabi man ni City Engineer Dindo Bongalosa, padagos an saindang pigsasagibong information education campaign mapadapit sa evacuation drills bako sana sa mga eskwelahan, kundi sa mga komunidad.
Ini ngani dai sinda mag-panic asin magin maaram sa mga dapat na gibuhon ngani magin salbado sa anumang insidente
