Uminangat an Dallas Mavericks sa saindang playoff bid makalihis daugon an Sacramento Kings sa score na 120-106, sa Western Conference play-in games.
Pinangenotan ni Anthony Davis an Mavericks sa saiyang ika-10 kawat para sa koponan, na may 27 puntos, siyam na rebound, asin tulong blocks.
Si Klay Thompson an nagdugang nin 23 puntos, kabale an limang three-pointers, bilang pambawi sa saiyang mapait na performance sa play-in laban sa Kings kan nakalihis na taon.
Nag-ambag man sinda P.J. Washington asin Brandon Williams nin tig-17 points para sa Dallas, na ngonian an hahampangon an Memphis Grizzlies sa masunod na play-in game para sa ultimong playoff spot.
Sa lado man kan Kings, si DeMar DeRozan an nagrehistro nin 33 points asin pitong rebound, mantang si Zach LaVine an may 20 points asin siyam na assist.
