LEGAZPI CITY—Nagtutubod an sarong political analyst na magigin normal liwat an dalagan kan Senado makalihis an nangyaring pagbabago sa Senate leadership durante kan ginibong special session kasoodmang Miyerkules, Hunyo 17.
Segun ki Atty. Michael Henry Yusingco sarong law expert/political analyst, sa intrevista kan Bombo Radyo Legazpi, na kun ibabase ini sa legislatve work an igwa nin reasonable expectation na maandar na an Senado sa normal na lakdang.
Ipighalimbawa ni Yusingco an liwat na pagkakaelihir kan mga dapat na nasa chairmanships kan Committee; siring ni Senator Bam Aquino na naibalik sa basic education, Senator Kiko Pangiliinan sa Agriculture.
Alagad concern ngunyan ni Yusingco an ibang committees siring kan pagkakaelihir ni Senator JV Ejercito sa Committee on Finance urog na pag-abot sa budget season.
Mensahe man kaini sa namamanwaan na tutukan an mga nangyayari sa Senado huli sa an iba digdi an bako na tama asin dae dapat pwedesir na palagpason.
Kun kaya segun saiya na dae na pagbotohon sa 2028 elections an dae malalaoman na opisyal na magtrabaho para sa namamanwaan.
