LEGAZPI CITY – Pighayag kan Albay Provincial Agricultural Office (APAO) na magayon sa presente an nagigin dalagan kan sektor kan agrikultura asin pagsisira sa bilog na provincia.
Segun ki APAO Assistant Agriculturist Daryl John Buenconsejo sa intrevista kan Bombo Radyo Legazpi na padagos na nagkukusog an duwang sektor sa ibong kan mga nag-aging kalamidad.
Sa isinagibo man suboot na Ulat sa bayan ni Governor Noel Rosal para sa saiyang 100 na aldaw na panenerbihan an maaraman kan publiko an mga lakdang nganng mas lalo pang mapakusog an saindang sektor.
Pigheras niya man na bago pa man magtukaw sa pwesto an gobernador an mawot na talaga kaining mapakusog an agrikultura asin enganyaron an gabos na makisumaro sa saindang programa sa pag-ooma asin pagsisira.
Pigtaram pa ni Buenconsejo na nakatabang man sa saindang sektor an implementasyon kan ‘Go Green, Grow Green’ program nganing patatagon an pag-establisar kan vegetable communal garden sa gabos na barangay sa enterong provincia.
Afuera suboot sa mga naisagibo nang programa an may mga nakatalaan pa sindang iimplementar na mga programa sa pakikipagtabangan man kan Department of Agriculture nganing maisakatupadan an pagpapatibay kan food security.
 said the agriculture and fishing sectors are currently doing well in the province.){kind=link}