LEGAZPI CITY-Laoman an dakulang rollback o pagbaba sa presyo kan Gasolina, Diesel asin Kerosene sa masunod na semama.
Sinabi kan assistant director kan Department of Energy – Oil Industry Management Bureau (DOE-OIMB) na si Rodela Romero na an mga minasunod na pagbabago sa presyo kan mga produktong langis an basado sa nakalihis na apat na aldaw na kalakaran sa Mean of Platts Singapore (MOPS)
Mababa an presyo kan Gasolina nin P0.40 sa kada litro.
Mantang an Diesel may mahababa an presyo nin nasa P3.00 sa kada litro.
Magkakaigwa man nin kaparehong rollback na P3.00 sa kada litro kan Kerosene.
Kaiba sa mga pighihiling na rason kan pagbago sa presyo an posibleng Ukraine-Russia ceasefire kasabay man an mga namumuhunan na presenteng nagbubusisi kan mga posibilidad kan kadakol na suplay kan langis sa merkado.
